Xalqimizda ko’pni ko’rgan nuroniylarimizning hayot yo’li va ularni kelajak egalariga beradigan nasihat va o’gitlari yosh avldoning kelgusi hayotida muhim poydevor va saboq bo’lib xizmat qiladi. Bu borada nuroniylarning yoshlar bilan uchrashuvlari yoshlar uchun foydalidir, desak mubolag’a bo’lmaydi.
Joriy yilning 18-mart kuni O’zbekiston Qahramoni Shaimov Mirzahmat Ismatovich Shirin shahar yoshlari bilan uchrashuv o’tkazdi.
Mirzahmat Shaimov uchrashuv davomida o’zining yoshlik paytlaridagi bosib o’tgan hayot yo’li, mehnat faoliyati davrlaridagi voqealar, unutilmas xotiralarni eslab, hayoti davomidagi qiyinchilik paytlarini qanday yengib o’tganligini uchrashuv ishtirokchilariga gapirib berdi.
«Mehnat faoliyatim davomida «O‘zbekiston qahramoni» unvoni, «O‘zbekiston energetika faxriysi», «O‘zbekiston Respublikasi mustaqilligiga 20 yillik» estalik nishoni, hamda «Oltin Yulduz» medallariga loyiq ko‘rildim. Bu yutuqlar nafaqat meniki balki hamkasblarim va oilamniki hamdir. Aziz farzandlarim doimo bilim izidan boring. Mehnat qilishdan hech qachon qochmang, Halol mehnatingiz, kun kelib hayratlanarli natija ko‘rsatadi.«- deydi O’zbekiston Qahramoni.
Qiziqarli tassurotlarga boy o’tgan uchrashuv so’ngida yoshlarga Mirzahmat Shaimov tomonidan turli kitoblar sovg’a qilindi.
Shuningdek, O’zbekiston Yoshlar ittifoqi Sirdaryo viloyat Kengashi tomonidan Mirzahmat Shaimovga esdalik sovg’alari topshirildi.
Shirin shahar hokimligi Axborot xizmati
