Shirin shahri 1972-yilda tashkil topgan. Sirdaryo viloyati bo’ysunuvidagi shahar. Dengiz sathidan o’rtacha 328 m balandlikda joylashgan. Aholisi 18,9 ming kishi (2021), asosan, oʻzbeklar, shuningdek, tojik, tatar, koreys, rus, ozarbayjon, turkman va boshqa millatlar yashaydi. Shirin shahri Farhod GES qurilishi munosabati bilan ishchilar posyolkasi sifatida 1943-yilda vujudga keldi. Shaharda Farhod GES, Sirdaryo issiqlik elektr stansiyasi, metalloprokat mahsulotlari ishlab chiqaruvchi WANG DA ROLLING STEEL O’zbekiston-Xitoy qo’shma korxonasi va boshqa mayishiy xizmat ko’rsatish shoxobchalari mavjud. Shaharda 1 ta Energetika kolleji, Xalq ta’limi bo’limiga qarashli 4 ta umumiy o’rta taʼlim maktabi, 1 ta Bolalar musiqa va san’at maktabi, 1 ta Bolalar-o’smirlar sport maktabi, 6 ta davlat maktabgacha ta’lim tashkiloti faoliyat ko’rsatadi. Shaharda jami 4 ta kutubxona, 1 ta muzey, 1 ta istiroxat bo’gi, 2 ta xiyobon va boshqa ijtimoiy xizmat ko’rsatish maskanlari mavjud.
