Har yili an’anaviy tarzda o’tkaziladigan Respublika fanlar olimpiadasining Sirdaryo viloyati bosqichida Shirin shahar xalq ta’limi bo‘limi tasarrufidagi umumta’lim maktabi o‘quvchilari ham faol ishtirok etishdi.
Joriy yilning 25-27-fevral kunlari Guliston shahrida bo‘lib o‘tgan fanlar olimpiadasining viloyat bosqichida Shirin shahar 2-umumta‘lim maktabi 11-sinf o‘quvchisi Sevinch Norqo‘ziyeva ingliz tili fanidan 2-o‘rinni, 3-umumta’lim maktabi 11-sinf o‘quvchisi Firdavs Xalillayev nemis tili fanidan 1-o‘rinni, 4-umumta‘lim maktabi o‘quvchilari Azizbek Xudoyberdiyev tarix fanidan 1-o‘rinni, Jahongir Axmatov esa geografiya fanidan 1-o‘rinni qo’lga kiritdi. Shuningdek, 3-umumta‘lim maktabi 10-sinf o‘quvchisi Hurmatoy Umarova ham ushbu olimpiadada ingliz tili fanidan 2-o‘rinni qo’lga kiritdi.
O’zbekiston Respublikasi Vazirlar Mahkamasining 2021-yil 9-sentabrdagi 562-sonli qarorida belgilangan nizomga muvofiq, umumiy o’rta ta’lim maktablarining 11-sinf o’quvchilari o’rtasidagi fan olimpiadalarining viloyat bosqichida faxrli 3 ta o’rinni egallagan o’quvchilar olimpiadaning Respublika bosqichiga yo’llanmani qo’lga kiritadi.
Shrin shahar hokimligi Axborot xizmati
