Sirdaryo viloyati sportni rivojlantirish bosh boshqarmasining 2022-yil 25-martdagi tegishli buyrug’iga asosan, Tuxtarov Zafar Anorkulovich Shirin shahar Bolalar-o’smirlar sport maktabiga direktor etib tayinlandi.
Zafar Tuxtarov 1989-yil Sirdaryo viloyati Xovos tumanida tug’ilgan. 2015-yil Guliston davlat universitetining jismoniy madaniyat va jismoniy tarbiya mutaxassisligini tamomlagan. Ish faoliyati davomida Shirin shahar Bolalar-o’smirlar sport maktabida murabbiy, uslubchi, Boyovut tumani Jismoniy tarbiya va sport bo’limi ommaviy sportni rivojlantirish va jismoniy tarbiya-sport tadbirlarini tashkillashtirish bo’yicha bosh inspektor lavozimlarida mehnat qilgan.
Tuxtarov Zafar Anorkulovich ushbu tayinlovga qadar Shirin shahar Bolalar-o’smirlar sport maktabi direktorining o’rinbosari lavozimida ishlab kelayotgan edi.
Ma’lumot uchun, Shirin shahar Bolalar-o’smirlar sport maktabining sobiq direktori Aripov Umidjon Ravshanovich xastalik sababli vafot etgan edi.
Shirin shahar hokimligi Axborot xizmati
