Saytimizga hush kelibsiz !

Shirin shahrining yosh sportchisi rekord o’rnatib, Osiyo chempionatiga yo’llanmani qo’lga kiritdi

Joriy yilning 9-11-fevral kunlari Toshkent viloyatida mexanik eshkak eshish sport yo’nalishidan O’zbekiston chempionati bahslari bo’lib o’tdi. Mazkur nufuzli musobaqada Sirdaryo viloyati Shirin shahar Bolalar-o’smirlar sport maktabi sportchilari ham munosib ishtirok etib qaytishdi.

Мiks yo’nalishida 4×500 Abdukarim Farmonqulov, Noila Qosimova, Abror Ergashev, Basima Sattarovalar 1-o’rinni;

17 yoshgacha yoshlar o’rtasida miks yo’nalishida Ibrohim Mamatkarimov, Sherzod Yusupov, Aziza Murodova, Surayyo Qo’simurodovalar 3-o’rinni egallashdi.

Shu bilan bir qatorda yangi tashkil etilga para akademik eshkak eshish sportchilari murabbiyi Alisher Toshkentboyev boshchiligida Xayitboy Nematov 2-o’rin, Asadbek Mannobovlar 3-o’rinni qo’lga kiritishdi.

19 yoshgacha yoshlar o’rtasida yakka bahslarda Sattarova Basima 1-o’rinni egallab (2000 m masofada) Osiyo chempionatiga yo’llanmani qo’ga kiritdi. Yana bir quvonarli jihati shundaki, shahrimiz sportchisi Basima Sattorova 19 yoshgacha bo’lgan sportchilar o’rtasida O’zbekiston rekordini yangiladi. Ya’ni u belgilangan marraga 7 daqiqa 48 soniyada yetib kelgan. Bundan avvalgi rekord natija esa 7 daqiqa 58 soniya bo’lgan.

Ma’lumot uchun, mexanik eshkak eshish sport turi bo’yicha Osiyo chempionati joriy yilning mart oyida Toshkent shahrida bo’lib o’tishi belgilangan.

Shirin shahar hokimligi Axborot xizmati

Fikr bildirish

Email manzilingiz chop etilmaydi. Majburiy bandlar * bilan belgilangan