O‘zbekiston mahallalari uyushmasi Shirin shahar bo‘limida bo‘lib o‘tgan uchrashuvda uyushmaning Sirdaryo viloyati boshqarmasi boshlig‘i Uyg‘un Xatamov ishtirok etib, o‘tgan yil davomida Shirin shahrining barcha mahallalarida mahalla yettiliklarining samarali faoliyati olib borishi, xalq bilan davlat o‘rtasidagi “ko‘prik” vazifasini amalga oshiruvchi mustaqil va xalqchil tuzilmaga aylangani natijasida ko‘plab ijobiy o‘zgarishlar amalga oshirilganini taʼkidlab o‘tdi. Shuningdek, boshlangan yangi yilda bajarilishi lozim bo‘lgan ustuvor vazifalar yuzasidan topshiriq va ko‘rsatmalar berdi.
Uchrashuv davomida mahalla raislarining ko‘rsatgan faolliklarini munosib rag‘batlantirish maqsadida esdalik sovg‘alari topshirildi.
