Shirin shahar hokimining qarori bilan tanlovni tashkil etish va o‘tkazish tartibi to‘g‘risidagi nizom qabul qilindi.
Shahrimizdagi Yoshlar markazida bo‘lib o‘tadigan ushbu ikki bosqichli tanlovda shahrimiz ayollari, o‘quvchi-yoshlar va tashkilot rahbarlari ishtirok etishi mumkin.
✅Birinchi bosqich 14-15 noyabr kunlari bo‘lib o‘tadi. Unda nomzodlar ilmiy-ommabop, o‘zbek va jahon adabiyoti, buyuk adiblarimiz hayoti va ijodiga oid 25 ta test savollariga javob beradi. Eng ko‘p ball to‘plagan 10 nafar nomzod final bosqichida ishtirok etish huquqiga ega bo‘ladi.
✅Final bosqichi 3-4 dekabr kunlari kunlarida o‘kazilishi belgilangan bo‘lib, unda qatnashchilar “Badiiy asarlar bilimdoni” va “Tezkor savol-javob” shartlari asosida bellashadi.
⚠️Savollar quyidagi asarlar asosida tuziladi:
«Kitobxon ona» tanlovi uchun:
✅Shayx Muhammad Sodiq – «Bahtiyor oila»;
✅Abdulla Qodiriy – «O‘tkan kunlar»;
✅Cho‘lpon – «Kecha va kunduz»;
✅Tog‘ay Murod – «Ot kishnagan oqshom».
“Kitobxon o‘quvchi” tanlovi uchun:
✅Tohir Malik – «Alvido bolalik»;
✅Oybek – “Navoiy”;
✅Abdulla Qahhor – «O‘tmishdan ertaklar»;
✅Primqul Qodirov – «Yulduzli tunlar».
“Kitobxon rahbar” tanlovi uchun:
✅Shavkat Mirziyoyev – «Yangi O‘zbekiston strategiyasi»;
✅O‘tkir Xoshimov – «Daftar hoshiyasidagi bitiklar»;
✅Tog‘ay Murod – «Otamdan qolgan dalalar».
Qarorga ko‘ra, tanlovda har bir yo‘nalish bo‘yicha g‘olib bo‘lgan ishtirokchilar 1-o‘rin uchun 700 000 so‘m, 2-o‘rin uchun 500 000 so‘m, 3-o‘rin uchun 300 000 so‘m pul mukofotlari bilan taqdirlanishi belgilangan.
Qo‘shimcha maʼlumot olish uchun:
📞 +99867 764 44 43
📞 +998 90 038 48 46