“Issiqlik elektr stansiyalari” AJ Sirdaryo IES filialining Mahalliylashtirish va konstruktorlik bo‘limi negizida, “Innovatsion markaz” tashkil etildi.
Barcha zaruriy texnik jihozlar bilan ta’minlangan va zamonaviy dizaynda barpo etilgan ushbu markaz, endilikda korxonaning istiqbolli rejalarini izchil davom ettirishda asosiy lokomotiv sifatida ish boshlaydi.
Markazning asosiy maqsadi korxona ichki imkoniyatlaridan kelib chiqib, yangilikka qiziquvchan yoshlar va ishchi-xodimlar tomonidan innovatsiya tashabbuslarni yaratish hamda “Startap” loyihalari bilan ishlashni tashkillashtirishdir.
